وادەی ناردنی 400 ملیارەکە ئاشکراکرا
SNN
ئەندامێکی ئەنجومەنی نوێنەرانی عێراق رایگەیاند: 10ی ئەم مانگە حکومەتی عێراق 400 ملیارەکە بۆ هەرێم دەنێرێت.
کاروان یاروەیس ئەندامی ئەنجومەنی نوێنەرانی عێراق لە چاوپێکەوتنێکی تەلەفیزیۆنیدا رایگەیاند: پێشبینی دەکەم حکومەتی عێراق 10ی ئەم مانگە 400 ملیارەکە بۆ هەرێم بنێرێت، سەبارەت بە هۆکاری دواکەوتنیشی دەڵێت “وەزیری دارایی دەیەوێت خۆی لە بەرپرسیارێتی ناردنی ئەو پارەیە لابدات و بکەوێتە ئەستۆی سەرۆکوەزیران”.
وتیشی “بەهۆی ئەو سکاڵایەی لە دادگای فیدڕاڵی تۆمارکراوە سەبارەت بە ناردنی 400 ملیارەکە بۆ هەرێم، بۆ لەمەودوا پارە بەبێ ڕێکەوتن و جێگیرکردنی لە بودجەدا بۆ هەرێم نانێردرێت”.
