سەرۆكی بانكی ناوەندی عێراق لەپۆستەكەی دووردەخرێتەوە

SNN

 جەبار عۆدە سەركردە لە چوارچیوەی هەماهەنگی رایگەیاند: جوڵەیەكی جدی هەیە بۆ لەكارخستنی مستەفا غالب موخیف سەرۆكی بانكی ناوەندی عێراق بەهۆی گۆڕانکارييەکانی ئەمدواييەی بەهای دۆلار و دينار لە عێراق.

راشيگەياند: بەمزوانە گۆڕانكارییەكە دەركرێت و چوارچێوەی هەماهەنگی سودانی سەرپشكردووە لەدیاریكردنی كەسێك بۆ پۆستی سەرۆكی بانكی ناوەندی، دەشڵێت “لەئێستادا 3 كەس كاندیدكراون بۆ جێگرتنەوەی، كە هەرسێكیان لەناو بانكی ناوەندیدان”.

وتيشی “قەیرانی نرخی دۆلار مایەی نیگەرانییە، دوای ئەوەی 100 دۆلاری ئەمریكی نرخەكەی گەیشتووەتە 160 هەزار دینار، كە ئەمەش فشارێكی گەورە لەسەر بازاڕ دروستدەكات و نرخی كەلوپەل بەرزدەكاتەوە، وێڕای ئەوەی كاریگەری لەسەر چینی هەژارو مامناوەند دەبێت، بەهۆی دابەزینی بەهای دراوی نیشتمانی”.