کامێرای پۆینت تو پۆینت لە هەولێر دانرا

SNN

بەڕێوەبەرایەتی هاتووچۆی هەولێر دانانی کامێرای خێرایی خاڵ بۆ خاڵ (Point To Point) راگەیاند.

بەرێوەبەرایەتی هاتووجؤی هەولێر بڵاویکردووەتەوە، لە چوارچێوەی هەوڵەکانی وەزارەتی ناوخۆ بۆ کەمکردنەوەی قوربانییەکانی هاتوچۆ و کۆنترۆڵکردنی تیژڕۆیی، وەکو قۆناغی یەکەم، کامێرای تۆمارکردنی تیژڕۆیی خاڵ بۆ خاڵ یان Point to Point کە تێکڕای خێرایی لە نێوان دوو کامێرا تۆمار دەکات، لە شەقامی 120 مەتری هەولێر لە نێوان شەقامی کەرکوک بۆ شەقامی بنەسڵاوە لە هەردوو ساید ئەو کامێراییە لە هەفتەی داهاتوو دەکەوێتە کار.

هاتووچۆی هەولێر شۆفێران ئاگاداردەکاتەوە و دەڵێت:” بۆیە ئاگاداری شوفێران دەکەینەوە کە بۆ ئەوەی خۆتان لە سزای دارایی کامێراکانی تۆمارکردنی تیژڕۆیی بپارێزن، نابێ لە شەقامی 120 مەتری لەمەولا تیژڕۆیی بکەن و لە هەموو 120مەتری خێرایی رێگا پێدراوە بەم جۆرەیە:

یەکەم: ئۆتۆمبێلی بچووک نابێت لە 110کیلۆمەتر لە کاتژمێرێک خێراتر بڕوات. هەر خێراییەکی زیادە بۆتان تۆمار دەکرێت و سزای دارایی دەدرێن جا کامێراکە دیار بێت یان نا.

دووەم: ئۆتۆمبێلی گەورە (بارهەڵگر) نابێت لە 80 کیلۆمەتر لە کاتژمێرێک خێراتر بڕوات. هەر خێراییەکی زیادە بۆتان تۆمار دەکرێت و سزای دارایی دەدرێن جا کامێراکە دیار بێت یان نا.

هاتووچۆی هەولێر، شۆفێرانی بارهەڵگر ئاگاداردەکەینەوە کە تەنیا ڕێگا پێدراون لە هێڵی دیاریکراو بۆیان شۆفێری بکەن. بە پێچەوانەوە ڕووبەڕووی سزای دارایی دەبنەوە.