ئەمڕۆ ساڵيادی کوژرانی محەمەد باقر حەکيمە

SNN

ئەمڕۆ 20 ساڵ بەسەر ساڵيادی کوژرانی محەمەد باقر حەکيمدا تێدەپەڕێت، لەو مەراسيمێکدا لە بەغدا يادی ئەو رۆژە دەکرێتەوە.

لە رێورەسمەکەی ئەمڕۆدا هەريەک لە سەرۆککۆماری عێراق و سەرۆکوەزيرانی عێراق و سەرۆکی پەرلەمانی عێراق و سەرۆکی هەرێمی کوردستان و سەرۆکی يەکێتی و ژمارەيەک بەرپرسی باڵای ديکە بەشدارن.

لەو بارەوە ئەحمەد عیساوی، ئەندامی دەستەی گشتیی رەوتی حیکمەی نیشتمانی ريگەیاند: “ئەمڕۆ رێوڕەسمێکی فەرمی رێکدەخرێت سەرکردەکانی وڵات ئامادە دەبن، پەیامی گرنگمان دەبێت لەبارەی پرۆسەی سیاسی وڵات”.

محەممەد باقر حەکیم لە ساڵی 1939 لەدایکبوو و لە 29ی ئابی 2003 لە تەقينەوەی ئۆتۆمبێلێکی بۆمبڕێژکراودا لەبەردەم مەزارگەی ئيمام عەلی لە نەجەف گيانی لەدەستدا،لە ئەنجامی تەقینەوەکەدا لانیکەم 84 کەسی دیکە گیانیان لەدەستدا و 15 پاسەوانی محەممەد باقر حەکیم لەنێو کوژراوەکاندا بوون.