کۆمپانیایەک گەشتی عومرە دەکات بە قیست بۆ هاووڵاتییان

SNN-عەلی حەمە سەعید

کۆمپانیایەک لە سلێمانی گەشتی عومرەی کردووە بە قیست بۆ ئەو کەسانەی دەیانەوێت نرخی عومرە ئەنجامبدەن، وەزارەتی ئەوقافی حکومەتی هەرێمی کوردستانیش دەڵێت: ساڵانی رابردووش گەشتی عومرە بەقیست هەبووە و ئاساییە، بەڵام ئێمە چاودێری خزمەتگوزارییەکانی کۆمپانیاکە دەکەین کە پێشکەش بە عومرەکارانی دەکات.

کۆمپانیایەک لە سلێمانی گەشتی عومرەی کردووە بە قیست بۆ ئەو کەسانەی دەیانەوێت نرخی عومرە ئەنجامبدەن و هەرکەسێک خوازیار بێت دەتوانێت لە رۆژی 30 کانوونی دووەمی 2023 گەشت بکات بە پێشەکی 300 دۆلار و 500 دۆلاری دەمێنێتەوە و بە قیستی سێ مانگ دەتوانێت بیدات.

نەبەز ئیسماعیل، وتەبێژی وەزارەتی ئەوقاف و کاروباری ئاینی بە SNN-ی راگەیاند، ئەوە کەوتووەتە سەر رێکەوتنی هاووڵاتییان و کۆمپانیاکە ئێمەش وەک وەزارەتی ئەوقاف چاودێری کۆمپانیاکە دەکەین لەو خزمەتگوزارییانەی پێشکەشی دەکات، ئەگەر نا شتەکە ئاساییە و ساڵانی رابردووش هەبووە و .

سەبارەت بە ئەنجامدانی گەشتی عومرە لە رێگەی وشکانییەوە  وتەبێژی وەزارەتی ئەوقاف وتیشی: بەهۆی خراپی و دووری  رێگاکە و مەترسی لەسەر ژیانی هاووڵاتییان تا ئێستا هیچ  کۆمپانیایەکی هەرێمی کوردستان لە رێگەی وشکانییەوە گەشتی عومرەی ئەنجامنەداوە.تەنها لە شارەکانی ناوەڕاستی باشورو عێراقەوە گەشتەکە ئەنجامدراوە.