چوار رۆژە 100 ئەفسەر و پۆلیسی ئاکرێ لە هەولێر دەستگیرکراون

SNN-

ماوەی سێ رۆژە 100 ئەفسەر و کارمەندی هێزە ئەمنییەکانی ئاکرێ دەستگیرکراون و رەوانەی هەولێر کراون

سەرچاوەیەک لە پۆلیسی ئاکرێ بە SNN-ی راگەیاند، لە رۆژی پێنجشەممەی رابردووەوە، نزیکەی 100 ئەفسەر و کارمەندی هێزەئەمنییەکانی پۆلیسی ئاکرێ بە تۆمەتی ئەوەی لە نێوخۆیاندا قەرزیان لە یەکتری کردووە دەستگیرکراون و لێکۆڵینەوەیان لەگەڵدا دەکرێت.

ئەو سەرچاوەیە وتیشی: سەرجەم ئەو کەسانە لە بەیانی رۆژی پێنجشەممەوە دەستگیرکراون و رەوانەی هەولێر کراون و ئەوان پەیوەندییان بە کەسوکارەکانیانەوە کردووە و پێیان وتوون ئێمە لە هەولێر دەستگیرکراوین لێمان مەگەڕێن.

لەسەر ئەو بابەتە SNN، پەیوەندی کرد بە عیماد حسێن، وتەبێژی پۆلیسی ئاکرێ، بەڵام ئەو رەتیکردەوە و وتی: هیچ حاڵەتێکی لەوشێوەیە نییە و کەس دەستگیرنەکراوە.