مووچەی مانگی یەک کەی دابەشدەکرێت؟

SNN-عەلی حەمە سەعید

لە هەفتەی ڕابردووەوە وەزارەتی دارایی حكومەتی هەرێم گەنجینەكانی ڕاسپاردووە كە لیستی مووچەی مانگی کانوونی دووەمی 2023 ، فەرمانبەران ئامادە بكەن و لە ئێستادا لیستی مووچە ئامادەكراوە و وردبینی لیستەكانیش كراوە، بەگوێرەی زانیارییەکان سەرەتای هەفتەی داهاتوو دەستدەكرێت بەدابەشكردنی مووچە.

بەگوێرەی ئەو زانیارییانەی كە لەبەرپرسێكی وەزارەتی دارایی دەست SNN-. سەرەڕای ئەوەی ماوەی هەفتەیەكە لەلایەن گەنجینەكانەوە لیستی مووچەی مانگی کانوونی دووەمی وەزارەتەكان ئامادەكراوە بۆئەوەی دەستبكرێت بەدابەشكردنی مووچە، بەڵام وەزارەتی دارایی گەنجینەكانی ڕاسپاردووە كە دابەشكردنی مووچە دەكەوێتە سەرەتای هەفتەی داهاتوو.

ئاماژەی بەوەشكرد، بەشێك لە پارەی فرۆشتنی داهاتی نەوت و هەروەها داهاتی نانەوتی ئەم مانگە گەڕاوەتەوە بۆ خەزێنەی وەزارەتی دارایی و هیچ گرفتێك لە ئارادا نییە بۆ دابەشكردنی مووچە، بۆیە بەدڵنیاییەوە دابەشكردنی مووچەی ئەم مانگە لە سەرەتای مانگی داهاتوو بە دیاریكراوی ڕۆژی 5ی کانوونی دووەمی 2023، دەستدەكرێت بەدابەشكردنی مووچە.

لە هەرێمی كوردستان یەك ملیۆن و 251 هەزار و 451 مووچەخۆر هەن، 751 هەزار و 805 كەسیان فەرمانبەری سەربازی و شارستانین، 242 هەزار و 269 كەسیان خانەنشینن، خەرجی مووچەی مانگێكی سەرجەم فەرمانبەرانیش زیاد لە 900 ملیار دیناری پێویست دەبێت.