زانایهكى هۆڵهندى پێشبینى روودانى بومهلهرزه دهكات
دیمهنێك له بومهلهرزهكهى توركیا | فۆتۆ: AA
SNN
ئهو زانا هۆڵهندییهى كه پێشبینى روودانى بومهلهرزهى كرد له وڵاتى توركیا و سوریا پێشبینى دهكات بومهلهرزهیهك به گوڕى 6 پلهى رێختهر له عێراق و لوبنان و میسر بدات.
فرانک هۆگرێبیتس، توێژهرى هۆڵهندى تهمهن 55 ساڵ له گرتهیهكى ڤدیۆیدا كه له تۆڕى كۆمهڵایهتى یوتیوب پهخشكراوه و پێگهى عێراقى بهغدا ئهلیوم ههواڵهكهى گواستووهتهوه دهڵێت: “له رۆژانى 10 بۆ 12ى شوبات، ئهگهرى روودانى بومهلهرزه ههیه له باشوور و باشوورى ڕۆژههڵاتى لوبنان و میسر و عێراق و ئێران”.
لهبارهى گوڕهكهیهوه ئهو توێژهره هۆڵهندییه ئاماژهى بهوهشكردووه، “گوڕى بومهلهرزه پێشبینى كراوهكه 6 پلهى رێختهره و چهند پاشلهرزهیهكیش بهدواى خۆیدا دههێنێت”.
ئهو زانایه لهبارهى مهحاڵ بوونى بابهتى پێشبینى كردنى بومهلهرزه ئهوهشى خستهڕوو، “له بنهڕهتدا بابهتى پێشبینیكردنى بومهلهرزه مهحاڵه، بهڵام ئێمه به پشتبهستن به لێكدانهوهى جوڵهى زهوى و بارگۆڕانه ژینگهییهكان لێكدانهوه دهكهین و پێشبینیهكانى روودانى بومهلهرزه دهخهینهڕوو”.
فرانک هۆگرێبیتس، توێژهرێكى هۆڵهندییه و دوو رۆژ پێش روودانى بومهلهرزهكهى توركیا و سوریا له ههژمارى تایبهتى خۆى له تۆڕى كۆمهڵایهتى تویتهر پێشبینى بومهلهرزهكهى كردبوو.
