لقی بانكی گۆڕینەوەی دراو لە فڕۆكەخانەی سلێمانی دەكرێتەوە

SNN

فڕۆکەخانەی نێودەوڵەتی سلێمانی لە راگەيەندراوێکدا بڵاويکردەوە: بە مەبەستی فرۆشتنی دۆلار بە نرخی 132 هەزار دينار بە گەشتياران شوێنی لقی بانکی بازرگانی (RT Bank) لە فڕۆکرخانە دياريکرا.

دەقی راگەيەندراوەکە:

‎لقی بانكی گۆڕینەوەی دراو لە فڕۆكەخانەی نێودەوڵەتی سلێمانی دەكرێتەوە

‎بەمەبەستی جێبەجێكردنی بڕیاری بانكی مەركەزی عێراقی بۆ گۆڕینەوەی دیناری عێراقی بۆ دۆلاری ئەمریكی بە نرخی ڕەسمی بۆ گەشتیاران

‎پێشنیوەڕۆی ئەمڕۆ ٢٠٢٣/٢/١٤ بەڕێز هندرێن هیوا مفتی بەڕێوەبەری گشتی فڕۆكەخانە پێشوازی كرد لە خاتوو خۆشی حەمە ئاغا بەڕێوەبەری لقی سلێمانی بانكی ئەقلیمی بازرگانی (RT Bank)و  كاروان شێخ جلال جێگری بانكی ناوبراو .

‎لەسەردانێكی مەیدانی دا بەڕێوەبەری گشتی فڕۆكەخانە و شاندی میوان سەردانی بەشی ترانزێتی تێرمیناڵی فڕۆكەخانەیان كرد و شوێنی كردنەوەی لقی بانكی ناوبراویان دیاریكرد كە لە زووترین كاتدا بۆ خزمەتی گەشتیاران دەكرێتەوە.