کەشناسی: پلەکانی گەرما بەرزدەبنەوە و سەرما کۆتایی دێت

SNN-

کەشناسی هەرێم رایگەیاند، لە سەرەتاى هەفتەی داهاتوو کاریگەرى ئەو بارستە هەوا ساردەى رووى لە ناوچەکەمان کردبوو کۆتایی دێت یان لاواز دەبێت و پلەکانى گەرماش بە چەند پلەیەک روو لە بەرزبوونەوە دەکات.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بلاویکردووەتەوە، لە سەرەتاى هەفتەی داهاتوو کاریگەرى ئەو بارستە هەواساردەى رووى لە ناوچەکەمان کردبوو کۆتایى دێت یان لاواز دەبێت و پلەکانى گەرما بە چەند پلەیەک روو لە بەرزبوونەوە دەکات تێکڕاى بەرزبوونەوەى پلەکانى گەرما بە نزیکەى (5-7) پلەى سیلیزى دەبێت.

بەڕێوەبەرایەتییەکە ئاماژەی بەوەشکردووە، بەرزترین پلەکانى گەرما لە سەنتەرى پارێزگاکان بۆ سەرووى 15 پلەى سیلیزى بەرز دەبێتەوە ناوچە شاخاوییەکانیش بۆ سەرووى 10 پلەى سیلیزى لەم ماوەیەدا ئاسمان بەگشتى ساماڵ و پەڵە هەورە .سەبارەت بە نزیکترین کاتى پێشبینى لە کاتى نەگۆڕانى کەش بۆ باران بارین لە دواى 23ى مانگ دەبێت .

بەرزترین پلەکانی گەرمای پێشبینیکراو بە پلەی سیلیزی:
هەولێر : 12 پلەى سیلیزى
سلێمانی : 11 پلەى سیلیزى
دهۆک : 12 پلەى سیلیزى
کەرکوک : 16 پلەى سیلیزى
هەڵەبجە : 10 پلەى سیلیزى
زاخۆ : 12 پلەى سیلیزى
سۆران : 9 پلەى سیلیزى
گەرمیان : 17 پلەى سیلیزى