شاندى حكومه‌تى هه‌رێم رۆژى یه‌كشه‌ممه سه‌ردانى به‌غدا ده‌كاته‌وه
جوتیار عادل، وته‌بێژى حكومه‌تى هه‌رێم | فۆتۆ: SNN
SNN
وته‌بێژى حكومه‌تى هه‌رێمى كوردستان رایگه‌یاند، رۆژى یه‌كشه‌ممه شاندى حكومه‌تى هه‌رێم سه‌ردانى به‌غدا ده‌كات، ده‌شڵێت: “گرنگترین كاره‌كانى حكومه‌تى هه‌رێم له‌م كابینه‌یه‌دا بریتیى بووه له سه‌ردانى كردنى به‌غدا و ئیمارات و فه‌ڕه‌نسا”.
جوتیار عادل، وته‌بێژى حكومه‌تى هه‌رێمى كوردستان له نوێترین كۆنگره‌ى رۆژنامه‌وانیدا ئه‌مڕۆ پێنجشه‌ممه 16ى شوبات، رایگه‌یاند، “رۆژى یه‌كشه‌ممه شاندى حكومه‌تى هه‌رێم ده‌چێته‌وه به‌غدا به‌مه‌به‌ستى كۆبوونه‌وه له‌گه‌ڵ وه‌زاره‌تى نه‌وت”.
له به‌شێكى ترى قسه‌كانیدا وته‌بێژى حكومه‌تى هه‌رێمى كوردستان ئه‌وه‌شى خسته‌ڕوو، “کارەکانی حکومەت لە ماوەی ئەم هەفتەیەدا بریتیبوون له، سەردانى شاندی هەرێم بۆ بەغدا ، سه‌ردانه‌كه‌ى مەسرور بارزانی، سه‌رۆكى حكومه‌ت بۆ ئیمارات و فەڕەنسا”.
