داعش بووهته “بهرمیلێكى بارود” كه چاوهڕێى تهقینهوهى دهكرێت لهسهردهمى ئیدارهى بایدندا
جۆ بایدن، سهرۆكى ئهمریكا | فۆتۆ: AFP
SNN
ئهندامێكى كۆنگرێسى ئهمریكا رایدهگهیهنێت، داعش هاوشێوهى بهرمیلێكى بارودى تهوقیتكراوى لێهاتووه كه دهكرێت له ههر ساتێكدا لهسهردهمى ئیدارهى بایدندا بتهقێتهوه، دهشڵێت: “هۆكارى سهرهكى چالاكبوونهوهى داعش بریتییه له خهمساردى سهرۆكى ئهمریكا”.
بهیانى ئهمڕۆ دووشهممه 20ى شوبات، مایل واڵتز، ئهندامى كۆنگرێسى ئهمریكا لهبارهى دووباره چالاكبوونهوهى دهوڵهتى ئیسلامى له عێراق و شام رایگهیاند، “له ئێستادا دهوڵهتى ئیسلامى چالاكبووهتهوه و ئهمهش بووهته مهترسى بۆ سهر ئهمریكا و جیهان، هۆكارى دووباره چالاكبوونهوهشى دهگهڕێتهوه بۆ شكستى ئیدارهكهى جۆو بایدن، له ئیدارهدانى مهلهفى ئهو گروپه تیرۆریستیهدا”.
له بهشێكى ترى قسهكانیدا واڵتز دهوڵهتى ئیسلامى به “بهرمیله بارود”ێك گوزارشت لێدهكات كه دهكرێت له ههر ساتێكدا له سهردهمى ئیدارهكهى بایدندا بتهقێتهوه، “چونكه جۆو بایدن پێى وایه شهڕى داعش كۆتایی هاتووه، له كاتێكدا ئهو رێكخراوه سهرقاڵى دووباره بههێزكردنهوهى شانهكانیهتى”.
به وتهى ئهو ئهندامهى كۆنگرێسى ئهمریكا، “هێشتا ههزران چهكدارى ئهو گروپه له رۆژههڵاتى ناوهڕاستدا ههن و چاوهڕێى یهك دهرفهت دهكهن بۆ ئهوهى دهستبه چالاكى بكهنهوه”.
ئهندامهكهى كۆنگرێسى ئهمریكا ئاماژه بهوهشدهكات، “پێویسته چارهسهرێك بۆ كێشهى چهكداره پاشماوهكانى دهستى داعش-یش بدۆزرێتهوه كه ئێستا لهژێر دهسهڵاتى هێزهكانى سوریاى دیموكراتدان”.
