موحسین مەندەلاوی: هەفتەی داهاتوو پڕۆژە یاسای بودجە دەگاتە پەرلەمان

SNN-

جێگری یەكەمی سەرۆكی پەرلەمانی عێراق رایگەیاند، هەفتەی داهاتوو پڕۆژە یاسای بودجەی ساڵی 2023 دەگاتە پەرلەمان.

موحسین مەندەلاوی، جێگری سەرۆكی پەرلەمانی عێراق رایگەیاندووە، دوای ئەوەی پەیوەندی بە وەزیری دارییەوە کردووە لەسەر پرۆژە یاسای بودجە و گفتوگۆیان لەسەر گرنگی گەیشتنی پڕۆژە یاسای بودجە بە پەرلەمان کردووە بۆ ئەوەی گفتوگۆ لەسەر بڕگە و ماددەكانی بكرێت و چی پێویست بێت هەمواربكرێتەوە لەلایەن لیژنەی داراییەوە.

ئاماژەی بەوەشکردووە، هەفتەی داهاتوو پڕۆژە یاساكە دەگاتە پەرلەمان و گونجاوە لەگەڵ بەرنامەی حكومەت بۆ پاڵپشتی كردنی چین و توێژە هەژارەكان و گرنتی بەردەوام بوونی ماددەكانی بەشەخۆراك.

جێگری یەکەمی سەرۆكی پەرلەمانی عێراق، دەشڵێت:” یاسای بودجە دەبێتە گرنتی دابینكردنی مووچە و دەرماڵەی فەرمانبەران و پلەی دیاریكراو بۆ دامەزراندنی نوێ‌”.