كۆبوونه‌وه‌ى په‌رله‌مانى كوردستان بۆ چییه؟
كۆبوونه‌وه‌ى په‌رله‌مانى كوردستان | فۆتۆ: SNN
SNN
رۆژى چوارشه‌ممه‌ى داهاتوو په‌رله‌مانى كوردستان ده‌ستبه كۆبوونه‌وه‌كانى ده‌كاته‌وه و به‌ڕێوه‌به‌رى راگه‌یاندنى په‌رله‌مانیش ده‌ڵێت: “له كۆبوونه‌وه‌كه‌دا خوێندنه‌وه‌ى یه‌كه‌م یان دووه‌م بۆ چه‌ند پرۆژه یاسایه‌ك ده‌كرێت”.
ئه‌مڕۆ چوارشه‌ممه سامان ئه‌حمه‌د، به‌ڕێوه‌به‌ر راگه‌یاندنى په‌رله‌مانى كوردستان به SNNى راگه‌یاند، “رۆژى چوارشه‌ممه‌ى داهاتوو 1ى ئازار، په‌رله‌مانى كوردستان كۆتایی به پشووى زستانه‌ى خۆى ده‌هێنێت و وه‌رزێكى نوێى یاسادانان ده‌ستپێده‌كات”.
له وه‌ڵامى ئه‌و پرسیاره‌ى ئایا ناوه‌ڕۆكى كۆبوونه‌وه‌كان هیچ په‌یوه‌ندییه‌كى به بابه‌تى هه‌ڵبژاردنى داهاتووى په‌رله‌مانى كوردستانه‌وه هه‌یه؟ به‌ڕێوه‌به‌ر راگه‌یاندنى په‌رله‌مانى كوردستان وتیشى: “نه‌خێر كۆبوونه‌وه‌كه په‌یوه‌ندى به‌و بابه‌ته‌وه نییه و كۆبوونه‌وه‌ى ئاساییه، تێیدا خوێندنه‌وه‌ى یه‌كه‌م یان دووه‌م بۆ چه‌ند پرۆژه یاسایه‌ك ده‌كرێت”.
له‌باره‌ى ئه‌وه‌ى ئایا كه‌ى كارنامه‌ى كۆبوونه‌وه‌كه ئاشكرا ده‌كات سامان ئه‌حمه‌د ئاشكراى كرد، “48 كاتژمێر پێش كۆبوونه‌وه كارنامه‌ى كۆبوونه‌وه‌كه ئاراسته‌ى په‌رله‌مانتاران ده‌كرێت”.
