“وه‌رزى زستان كۆتایی نه‌هاتووه و بارانبارین ده‌ستپێده‌كاته‌وه”
بارانبارین له سلێمانى | فۆتۆ: SNN
SNN
بەڕێوەبەری راگەیاندنی دەستەی کەشناسی عێراق رایده‌گه‌یه‌نێت، شه‌پۆلێكى نوێى بارانبارین روو له عێراق ده‌كات، ده‌شڵێت: “وه‌رزى زستان كۆتایی نه‌هاتووه”.
ئه‌مڕۆ هه‌ینى 3ى ئازار، عامر جابری، بەڕێوەبەری راگەیاندنی دەستەی کەشناسی عێراق بە ئاژانسی فەرمی عێراقیه‌ى راگەیاند، “پێشبینی دەکرێت لە چەند رۆژی داھاتوودا شەپۆلی بارانبارین ناوچەکانی ناوەڕاست عێراق و ھەرێمى كوردستان بگرێتەوە”.
به وته‌ى بەڕێوەبەری راگەیاندنی دەستەی کەشناسی عێراق، “له مانگى ئازاردا كه‌شوهه‌وا گۆڕانكارى به‌خۆیه‌وه ده‌بینێت و شه‌پۆله‌كانى بارانبارین ده‌ستپێده‌كه‌نه‌وه”.
له‌باره‌ى ئه‌وه‌ى ئایا به‌رزبوونه‌وه‌ى پله‌كانى گه‌رما له واتاى كۆتایی هاتنى وه‌رزى زستانه؟ عامر جابری وتيشى: ” ھیچ ئاماژەیەکی پێشوەختە نییە بۆ کۆتایی ھاتنی وەرزی زستان، بەرزبوونەوەی پلەی گەرما واتای کۆتایی ھاتنی زستان نییە و وەرزی بەھار لە عێراق دوای 20ی ئازار دەستپێدەکات”.
