وێنە: دەیان دۆنم گەنم لە ناحیەی لەیلان سوتا
SNN-عیماد جەباری
بەهۆی کەوتنەوەی ئاگر لە سنوری ناحیەی لەیلانی رۆژهەڵاتی کەرکوک، دەیان دۆنم گەنم سوتا.
قەیس عەبدولرەزاق وتەبێژی بەرگری شارستانی کەرکوک بە SNN ی راگەیاند: “ئەمڕۆ لە گوندی ترکەشکانی ناحیەی لەیلان ئاگر لە دەخلودانی جوتیاران کەوتوەتەوە و 30 دۆنم گەنم سوتاوە”.
وتیشی، توانیومانە لە رێگەی تیمەکانی ئاگر کوژێنەوەوە دوو هەزار دۆنم زەوی لە سوتان رزگاربکەین، هیچ زیانێکی گیانیشی لێنەکەوتووەتەوە.
ماوەی چەند مانگێکە ئاگر لە دەخڵودانی جوتیارانی ناوچە جێناکۆکەکان و باشووری عێراق کەوتووەتەوە، هێزە ئەمنییەکانیش گومان لە چەکدارانی داعش دەکەن.
