نرخى تكتى فڕۆكه بۆ خانهنشینان داشكاندنى بۆ دهكرێت
فڕۆکەیەکی هێڵی ئاسمانی عێراقی | فۆتۆ: IA1
SNN – عەلی حەمە سەعید
بەڕێوەبەرایەتی هێڵی ئاسمانی عێراقی سەرجەم رێكارەكانی داشكاندنی نرخی تكتیان بۆ خانەنشینان تەواوكردووە، ئهندامێكى ئهنجوومهنى نوێنهرانى عێراقش دهڵێت: “نووسراومان ئاراستهى هێڵى ئاسمانى عێراق كردووه بۆ ئهوهى بڕیارهكه خانهنشینانى ههرێمیش بگرێتهوه”.
ئهمڕۆ پێنجشهممه 30ى ئازار، كاروان یاروەیس، ئەندامی لیژنەی گواستنەوە و گەیاندن لە پەرلەمانی عێراق بە SNNی راگەیاند، “هێڵی ئاسمانی عێراق بڕیاریداوە بهڕێژەی 25٪ داشكاندن لە نرخی بلیتی گەشتەكانیان بۆ خانەنشینانی عێراقی بكات، بەڵام ئەو بڕیارە خانەنشینانی هەرێمی كوردستان لێی بێبەشبوون، بۆیە وەك لیژنەی گواستنەوە و گەیاندنی پەرلەمانی عێراق بە نووسراوێكی فەرمی داوامان لە بەڕێوەبەری گشتی هێڵی ئاسمانیی عێراق كردووە كە ئەو داشكاندنە خانەنشینانی هەرێمی كوردستانیش بگرێتەوە”.
به وتهى ئهو پهرلهمامانتاره، “گهشبینین كه بڕیارهكه گشتاندنى بۆ بكرێت” و دهشڵێت: “ئێمە نووسراوەكەمان ئاراستەی هێڵی ئاسمانی عێراقی كردووە و چاوەڕێی وەڵامی ئهوانین، گەشبینین بەوەی كە هێڵی ئاسمانی عێراقی هاوشێوەی خانەنشینانی عێراق بۆ خانەنشینانی هەرێمی كوردستانیش بڕیارێكی لەو شێوەیە بدەن، چونكە دەسەڵاتی فڕۆكەوانی دەسەڵاتێكی فیدراڵییە و پێویستە خزمەتگوزارییەكانیشى سەرتاسەری بن”.
وتەكانی ئەو پەرلەمانتارە لەكاتێكدایە كە له ماوهى چهند رۆژى رابردوودا كەریم كازم حسین، بەڕێوەبەری گشتی كۆمپانیای هێڵی ئاسمانی عێراقی راگەیەنراوێكی بڵاوكردەوە و رایگهیاند، “بە پشتبەستن بە رێنماییەكانی محەمەد شیاع سودانی، سەرۆكوەزیرانی عێراق و بە سەرپەرشتی راستەوخۆی ڕەزاق مەحبیس، وەزیری گواستنەوە سەرجەم رێكارەكانی كەمكردنەوەی نرخی تكتی گەشتیارانی خانەنشین تەواوبووە”
وتیشى: “رێكارهكان بهشێوهیهكه كه ههركهس خانەنشین بێت، لە یەكساڵدا بۆ یەك گەشت كرێی تكتەكەی بەڕێژەی 25٪ داشكاندنی بۆ دەكرێت”.
