عێراق سەرجەم دیپلۆماتەکانی لە سودان کشاندەوە
SNN
بەهۆی بەردەوامی شەڕ و ئاڵۆزی لە سودان وەزارەتی دەرەوەی عێراق رایگەیاند، سەرجەم دیپلۆماتەکانی لەو وڵاتە گەڕاندووەتەوە.
لەو بارەوە ئەحمەد سەحاف، وتەبێژی وەزارەتی دەرەوەی عێراق رایگەیاند، بەشێوەیەکی سەرکەوتووانە تەواوی کارمەندان و دیپلۆماتەکانی باڵیۆزخانەی عێراق لە خەرتووم ئەو وڵاتەیان جێهێشتووە و گەڕاونەتەوە.
دوابەدوای پەرەسەندنی شەڕ و ئاڵۆزی لە سودان زۆرینەی وڵاتان دیپلۆماتەکانیان لەو وڵاتە کشاندبووەوە.
ماوەی چەند رۆژێکە بەهۆی ناکۆکی و ململانێی نێوان عەبدولفەتاح بورهان سەرۆکی ئەنجومەنی گواستنەوە و فەرماندەی سوپای سودان لەگەڵ محەمەد حەمدان دقلو فەرماندەی هێزەکانی بەرپەرچدانەوەی خێرا، شەڕ و ئاڵۆزی لەو وڵاتە هاتووەتە ئاراوە و بەهۆیەوە تائێستا نزیکەی 500 کەس کوژراون.
