وەزیری نەوتی عێراق وادەی دەستپێکردنەوەی هەناردەی نەوتی هەرێمی راگەیاند

SNN

وه‌زیری نه‌وتی عێراق ئاشكرایكرد كه‌ بەم نزیکانە هه‌نارده‌كردنی نه‌وتی هه‌رێم ده‌ستپێده‌كاته‌وه‌ و بۆ ئەو مەبەستەش ئامادەکارییەکانی سۆمۆ بەردەوامن.

حه‌یان عه‌بدولغه‌نی وه‌زیری نه‌وتی عێراق له‌لێدوانێكدارایگەیاند: “حكومه‌تی ناوه‌ندی گه‌یشتووه‌ته‌ قۆناغه‌كانی كۆتایی جێبه‌جێكردنی ڕێككه‌وتنه‌كه‌ی له‌گه‌ڵ هه‌ولێر له‌باره‌ی ده‌ستپێكردنه‌وه‌ی هه‌نارده‌ی نه‌وت و له‌ئێستادا كۆمپانیای‌ به‌بازاڕكردنی‌ نەوتی عێراق (سۆمۆ) سه‌رقاڵی واژۆكردنی گرێبه‌سته‌ له‌گه‌ڵ ئه‌و كۆمپانیایانه‌ی نه‌وت ده‌كڕن”.

باسی لەوەشکرد: “كۆمپانیای سۆمۆ سه‌رپه‌رشتی پرۆسه‌ی وه‌رگرتن و هه‌نارده‌كردنی نه‌وتی  له‌هه‌رێمی كوردستان ده‌كات و له‌چه‌ند رۆژی داهاتوودا ده‌ستپێكردنه‌وه‌ی هه‌نارده‌كردنی نه‌وت ڕاده‌گه‌یه‌نرێت”.

لەدوای بڕیارەکەی دادگای پاریسەوە، ماوەی زیاتر لە مانگێکە هەناردەی نەوتی هەرێم بۆ دەرەوە راگیراوە و بەهۆیەوە زیاتر لە 840 ملیۆن دۆلار زیانی بەرکەوتووە.