دەزگای ئاسایشی هەرێم: ئەم سێ کەسەمان دەستگیرکرد کە 56 ملیۆن دیناریان دزیوە

SNN-
بەڕێوەبەرایەتی ئاسایشی ڕۆژئاوای سلێمانی ، سێ تۆمەتباریان دەستگیرکردووە بەمەبەستی گەشتوگوزار ڕویان لە سلێمانی کردبوو و زیاتر لە ( 50) ملیۆن دیناریان دزیوە .

دەزگای ئاسایشی هەرێمی کوردستان بڵاویکردووەتەوە، دەرەنجامی هەوڵە بەدەوامەکانی هێزەکانی دەزگای ئاسایش بۆ پاراستنی سەروماڵی هاووڵاتییان، هێزەکانی بەڕێوەبەرایەتی ئاسایشی ڕۆژئاوای سلێمانی بە فەرمانی دادوەری دادگای لێکۆڵینەوە ، بە پێی ماددەی (443) لەیاسای سزادانی عێراقی ، لە ناوچەی تانجەرۆی سلێمانی (3) تۆمەتباری بەڕەگەز عەرەبیان دەستگیرکرد بە ناوەکانی :

( ئ ، ج ، ف ) لەدایکبووی 1971
( م ، م ، ع ) لەدایکبووی 1977
( ب ، م ، ل ) لەدایکبووی 1998
كەهەستاون بە دزینی بڕی (56) پەنجا و شەش ملیۆن دینار .

سەرجەم تۆمەتباران دانیشتووی شاری ( بەغداد )ن و بەمەبەستی گەشتوگوزار ڕویان لە سلێمانی کردبوو ، لە ئێستادا لێکۆڵینەوە لە دۆسیەکانیان بەردەوامە .