هاتوچۆى هەولێر بۆ تۆمارکردنى ئۆتۆمبێلە ژمارە کاتییەکان کارئاسانییەک رادەگەیەنێت
تابلۆى نوێى ئۆتۆمبێل | فۆتۆ: SNN
SNN
هاتوچۆى هەولێر، کۆمپانیاکانى کڕین و فرۆشتنى ئۆتۆمبێل ئاگادار دەکاتەوە کە بۆ تۆمارکردنى ئۆتۆمبێلە ژمارە کاتییەکان، پێویست ناکات ئۆتۆمبێلەکان بهێنن بۆ بەرێوەبەرایەتى هاتوچۆ.
بەپێى ئاگادارییەکە، بۆ تۆمارکردنى ئۆتۆمبێلە ژمارە کاتییەکان، کۆمپانیاکان تەنها دەتوانن نوێنەریان بنێرن بۆ تەواو کردنى مامەڵەکان و لە دواى تەواوکردنى مامەڵەکان پێدانى سەرجەم رسوماتەکان کارمەندێکی بەشی تابلۆکان لەگەڵیان دەچێتە شوێنی ئوتومبێلەکانیان،بۆ بەستنی تابلۆ هەمیشەییەکان.
لە ئاگادارییەکەدا هاتووە، ئەو کارئاسانییە بەمەرجێک دەبێت کە ژمارەی ئوتومبێلەکانیان لە(10)دانە کەمتر نەبێت، ئەوەش بە مەبەستى ئەوەى تێچون و قەرەباڵغى لە هاتوچۆ و رێگاوبانەکان کەمبکاتەوە.
