لیرەی تورکی داڕمانێکی نوێ لە بەهاکەیدا تۆمار دەکات

SNN

لیرەی توركی بەرامبەر بە دۆلاری ئەمریكی لە دابەزین بەردەوامە، بە جۆرێك، یەك دۆلاری ئەمریكی نزیك بووەتەوە لە 24 لیرەی توركی.

دوای هەڵبژاردنی 14ی ئایار لە توركیا، لیرەی توركی لە دابەزین بەردەوامە، ئەو دابەزینەش راستەوخۆ كاریگەریی لەسەر ژیانی خەڵكی توركیا دروست كردووە.

ئەمڕۆ 12ی 6ی 2023، بەهای 100 دۆلاری ئەمریكی 2 هەزار و 356 لیرەی توركییە، پێشبینییش دەكرێت تا سەری مانگ، یەك دۆلار ببێتە 24 لیرەی توركی.

بەگوێرەی بۆچوون و پێشبینییەكانی ئابووریناسانی توركیا و جیهانی، تا كۆتایی 2023، بەهای یەك دۆلاری ئەمریكی دەگاتە 30 لیرە، ئەمەش دەبێتە هۆكاری ئەوەی هەڵاوسانی ئابووری لە توركیا بەرز ببێتەوە و قەیرانی داراییش لەو وڵاتە بچێتە قۆناغێكی مەترسیدارەوە.