بەهای لیرەی تورکی داڕمانێکی نوێی تۆمارکرد

SNN

بەرەبەیانی ئەمڕۆ سێشەممە 27ی حوزەیران، لیرەی تورکی دابەزی و یەك دۆلار بە 26.10 لیرە مامەڵەی پێوەدەکرێت و دابەزینی لیرەی تورکی ئاستی پێوانەیی لە مێژویدا تۆمارکرد، لەکاتی ئێستاشدا بەهای هەر 100 دۆلارێک هاوتای 2610 لیرەی تورکییە.

بانکی ناوەندی تورکیا ئاماژەی بەوەکردووە: بانکی ناوەندی چیدیکە یەدەگی بانکەکە بۆ پاڵپشتی کردنی لیرەی تورکی بەکارناهێنن و بەو بڕیارەش لیرەی تورکی زیاتر دابەزی، ئەوەش لەکاتێکدایە، پێنجشەممەی ڕابردوو، بانکی ناوەندی ڕێژەی سودی لە 8.5 % بۆ 15 % بەرزکردوە و لەدوای ئەو بڕیارەوە بەهای لیرە بەردەوامە لە دابەزین.

لیرەی تورکی لە ساڵی ڕابردودا 30% و لەساڵی 2021دا 44%ی بەهاکەی لەدەستداوە بەهۆی سیاسەتەکانی ئەردۆغانەوە.