سهرجهم بڕیارهكانى پهرلهمان لهدواى بڕیارهكهى دادگاى فیدراڵى ههڵدهوهشێنهوه
كۆبوونهوهى پهرلهمانى كوردستان | فۆتۆ: SNN
SNN
ئینستیتویتى پهى بۆ پهروهرده و گهشهپێدان ئاشكرایدهكات، ههموو بڕیار و چالاكیهكانى پهرلهمان لهدواى بڕیارهكهى دادگایی فیدراڵى عێراق یاسایی نین، دهشڵێت: “پهرلهمان لهدواى بڕیارهكهى دادگاى فیدراڵیهوه لهڕووى ئهركهوه دانى به بڕیارهكهدا ناوه”.
رۆژى 30ى ئایار، دادگاى فیدراڵى عێراق به فهڕمى بڕیارى نایاسایی بوونى درێژكردنهوهى تهمهنى پهرلهمانى دهركرد و رایگهیاند، “له 6ى تشرینى دووهمى 2022هوه ههموو بڕیار و چالاكیهكانى پهرلهمان نایاساین”. ئهمڕۆ یهكشهممه 2ى تهموز، به فهرمى نووسراوى خانهنشینى پهرلهمانتاران ئاراستهى وهزارهتى دارایی دهكرێت و د. ڕێواز فایهق، سهرۆكى پهرلهمان ماڵئاوایی له كارمهندهكانى نێو پهرلهمان كرد.
لهو بارهیهوه ئهمڕۆ د. سهروهر عهبدولڕهحمان، له ئینستیتویتى پهى بۆ پهروهرده و گهشهپێدان كه كارى چاودێرى كارهكانى پهرلهمان دهكات له كۆنگهرهیهكى رۆژنامهوانیدا رایگهیاند، “ههموو بڕیار و چالاكیهكانى پهرلهمان لهدواى بڕیارهكهى دادگایی فیدراڵى عێراق یاسایی نین. خودى پهرلهمان و لایهنهكانیش دانیان بهو بڕیارهدا ناوه”.
وتیشى: “ئهمڕۆ 33 رۆژه هیچ پهیام و چالاكییه لهنێو ماڵپهڕى پهرلهمان بڵاونهكراونهتهوه. تهنانهت سهرۆكایهتى پهرلهمانیش هیچ راگهیهنراوێكیان بڵاونهكردووهتهوه، واته لهڕووى ئهركهوه دانى پێداناوه، بهڵام لهڕووى ئیمتیازهوه دانى پێدا نهنراوه، چونكه بهردهوام بوون له وهرگرتنى ئیمتیازهكانیان”.
