وهزارهتى دارایی كاتى دابهشكردنى مووچهى مانگى حوزهیران ئاشكرا دهكات
دراوى 25 ههزار دینارى عێراق | فۆتۆ: SNN
SNN
وتهبێژى وهزارهتى دارایی حكومهتى ههرێمى كوردستان ئاشكرایدهكات، شاندێكى وهزارهتى دارایی بهمهبهستى گفتوگۆكردن لهسهر بودجه سهردانى بهغدا دهكات، دهشڵێت: “ههركات پارهى بودجه هات بۆ عێراق ئهوكات مووچهى مانگى حوزهیران دابهشدهكهن”.
ئهمڕۆ دووشهممه 3ى تهمموز، هونهر جهمال، وتهبێژى وهزارهتى دارایی و ئابوورى حكومهتى ههرێمى كوردستان له میانى چاوپێكهوتنێكدا له كهناڵى تهلهفزیۆنى رووداو رایگهیاند، “شاندێكى وهزارهتى دارایی و ئابوورى سهردانى بهغدا دهكات و لهم قۆناغهدا گفتوگۆكان لهسهر لایهنى تهكنیكى جێبهجێكردنى بودجهن”.
وتهبێژى وهزارهتى دارایی و ئابوورى حكومهتى ههرێمى كوردستان له بهشێكى ترى قسهكانیدا باسى دابهشكردنى مووچهى مانگى حوزهیرانى كرد و وتیشى: “چاوڕێدهكهین وهزارهتى دارایی عێراق رێنمایی دهربكات بۆ جێبهجێكردنى یاساى بودجه، ههركات جێبهجێ كرا و پاره نێردرا بۆ ههرێم ئێمهش بۆ ههموانى رادهگهیهنین كه كهى و چۆن مووچهى مانگى حوزهیران دابهشدهكرێت”.
له بهشێكى ترى قسهكانیدا وتهبێژى وهزارهتى دارایی و ئابوورى حكومهتى ههرێمى كوردستان رهتیكردهوه، “بۆ رێكخستنهوهى خشتهى مووچه و هاوتاكردنى لهگهڵ عێراق دوو مووچه بهیهكهوه دابهشبكهن”.
هونهر جهمال جهختى لهسهر ئهوهشكردهوه، “دابهشكردنى مووچهى مانگى ئایار له ماوهى ههفتهیهكدا دهستكهوتێكى گهورهیه بۆ وهزارهتى دارایی”.
