عێراق بڕيارێکی گرنگی لەبارەی سنوورەکانی ئێران و هەرێمەوە دەرکرد

SNN

ئەنجوومەنی وەزیرانی عێراق 10 ملیار دیناری تەرخانکرد بۆ دروستکردنی بنکەی پاسەوانی سنوور لەسەر سنوورەکانی ھەرێمی کوردستان و ئێران، کە لەرێگەی وەزارەتی ناوخۆی عێراقەوە خەرج دەکرێت.

نووسینگەی راگەیاندنی ئەنجوومەنی وەزیرانی عێراق بڵاویکردەوە: لەکۆبوونەوەی ئەنجومەنی وەزیراندا، بڕیاردراوە  10ملیار دینار تەرخان بکرێت بۆ دروستکردنی بنکەکانی پاسەوانی سنوور لە نێوان ھەرێمی کوردستان و ئێران.

ئاماژەی بەوەشکردووە، ئامانج لەو بڕیارە رێگریکردنە لە قاچاخچێتی و دزەکردن لە سنوورەکانەوە، ئەوەش جێبەجێکردنی ئەو رێککەوتنەیە کە لەنێوان عێراق و ئێران بۆ پارێزگارییکردن لە سنوورەکانی نێوانیان کراوە.

دوێنێ سێشەممە، محمەمەد باقری، سەرۆک ئەرکانی هێزە چەکدارەکانی ئێران لە میانی وتارێکی ساڵانەیدا لە مەشهەد لەبارەی حزبەکانی رۆژهەڵاتی کوردستان رایگەیاند: “ئەگەر تا مانگی ئەیلول حکومەتی عێراق بەڵێنەکانی لەبارەی حیزبە دژبەرەکانی کۆمار ئیسلامیی ئێران جێبەجێ نەکات، هێرشی تووندتر دەکەینەوە سەریان.”