کاتی کارکردن بە پرۆژە یاسای بودجەی عێراق راگەیەندرا

SNN-

. ئەندامێکی لیژنەی دارایی پەرلەمانی عێراق رایگەیاند، پێشبینیدەکرێت لە رۆژی 18ی ئەم مانگەوە دەستبکرێت بە کارکردن بە پرۆژەیاسای بودجە.

جەمال کۆچەر، ئەندامی لیژنەی دارایی پەرلەمانی عێراق رایگەیاند، پێشبینی دەکرێت وەزارەتی دارایی عێراق لە رۆژی 18ی ئەم مانگەوە دەستبکات بە کاراکردنی یاسای بودجە و دواتریش لیژنەی دارایی پەرلەمانی عێراق دەستدەکات بە بەدواداچوونەکانی لەسەر چۆنییەتی خەرخکردنی بودجە لەلایەن حکومەتەوە.

وتیشی: دواکەوتنی جێبەجێکردنی یاسای بودجە زۆر سروشتییە و پێویستی بە تەواوکردنی رێکارەکانی هەیە بۆ ئەوەی بتواندرێت کاری پێبکرێت.

راشیگەیاندووە، حکومەت تانەی لە (12) بڕگەی بودجە داوە، ئەمە شتێکی ئاساییە، لە چوارچێوەی دەسەڵاتی حکومەتدایە، بڕیاریش لەسەر تانەکان بۆ دادگای باڵای فیدراڵی دەمێنێتەوە

پرۆژە یاسای بوودجەی عێراق بۆ ساڵی 2023 رۆژی 12ی حوزەیران کە برەکەی 198 ترلیۆن و 683 ملیار و 719 ملیۆن و472 هەزار دینارە لە ئەنجوومەنی نوێنەرانی عێراق پەسەند کرا و پشکی هەرێمی کوردستانیش لە بودجەکەدا بە رێژەی لە 12.67% جێگیرکراوە.