لە 8 مانگدا 10 هەزار کەس بە تۆمەتی بازرگانی و بەکارهێنانی مادەی هۆشبەر دەستگیرکراون

SNN

دواین چالاکی کە لەلایەن دەستەی بە گژداچوونەوەی مادەی هۆشبەری عێراقی سەر بە وەزارەتی ناوخۆ ئەنجامدرا دەستبەسەرداگرتنی کارگەیەکەی دروستکردنی حەبی “کەپتاگۆن”بوو لە باشووری عێراق، ئامارەکانیش ئەوەمان بۆ دەردەخەن کە لە 8 مانگی رابردوودا 10 هەزار کەس بە تۆمەتی بازرگانی و بەکارهێنانی مادەی هۆشبەر دەستگیرکراون.

راپۆرتە جیهانییەکان باس لەوە دەکەن کە %85 ئەو ماددە هۆشبەرانەی دێنە نێو خاکی عێڕاق بەشێوەی قاچاخ لە وڵاتی ئێرانەوە دێت و ئەوەی دیکەشی لە وڵاتی سوریاوە، ئاماژە بەوەشکراوە کە عێراق جاران تەنیا گوازەرەوەیەکی مادەی هۆشبەربوو بۆ وڵاتانی کەنداوی عەرەبی و تورکیا، بەڵام لەکاتی ئێستادا بەکارهێنەرێکی سەرسەختی مادەی هۆشبەرە بەتایبەتی لەلایەن مێردمنداڵان و گەنجان.