نرخی دۆلار زياتر بەرزدەبێتەوە

SNN

نرخی دۆلار لە بازاڕەکاندا ئاستێکی بەرزی تۆمارکرد و 100 دۆلار بە 152 هەزار و 350 دينار مامەڵەی پێوەدەکرێت.

رۆژی هەينی و شەممە بانی ناوەندی عێراق هيچ بڕە دۆلارێکی نەخستووەتە بازاڕەوە و ئەمڕۆ دەستدەکاتەوە بە خستنە بازاڕی دۆلار، ئەگەر بڕێکی کەم دۆلار بخاتە بازاڕەوە نرخەکەی زياتر بەرزدەبێتەوە.

رۆژی چوارشەممەی هەفتەی رابردوو، بەهۆی سەپاندنی سزای ئەمریکا بەسەر  14بانکی عێراقیدا بەهای دۆلار بەشێوەیەکی بەرچاو بەرزبووە و نرخی  100دۆلار گەیشتە سەروو  150هەزار دینار لەکاتێکدا پێش سەپاندنی سزاکان  100دۆلار بە 148 هەزار دینار مامەڵەی پێوەدەکرا.