موعین کازمی: ھەرێم پابەندی رێککەوتنی نەوت نەبووە

SNN-

ئەندامێکی لیژنەی دارایی پەرلەمانی عێراق رایگەیاند، حکومەتی ھەرێم پابەندی رێککەوتنی تایبەت بە نەوت نەبووە و بەقاچاغبردنی نەوتیش بەردەوامە.

موعین کازمی، لە چاوپێکەوتنێکدا لەگەڵ کەناڵی سۆمەریە نیوز رایگەیاند، تا ئێستا حكومەتی هەرێمی كوردستان پابەند نەبووە بە تەواوی بەندەكانی رێككەوتنی تایبەت بە نەوت و بە قاچاغبردنی نەوتی هەرێم بەردەوامە بۆیە هەركات حکومەتی عێراق ئامادەبوو بۆ وەرگرتنی 400هەزار بەرمیل نەوتی هەرێم، ئەوا دەبێت هەرێمی كوردستان تەنها پابەندی بەرهەمهێنانی نەوت بێت و رادەستی حکومەتی عێراقی بکات.

راشیگەیاندووە، دەبێت حکومەتی عێراق شایستەکانی سەرجەم پارێزگاکان بە پارێزگاکانی ھەرێمی کوردستانەوە بدات، بەو مەرجەی ھەمووان پابەند بن بەو رێککەوتنانەی کە کراوە.