فازڵ نەبی: رێکەوتنەکانی هەرێم و بەغدا پڕن لە بۆمب

SNN

بريکاری پێشووی وەزارەتی دارايی عێراق رايگەياند: رێکەوتنەکانی هەرێم و بەغدا پڕن لە بۆمب، ئەوەی باسکراوە تەنيا خاڵی گشتييەو نەچونەتە ناو وردەکارييەوە.

فازڵ نەبی بريکاری پێشووی وەزارەتی دارایی عێراق لە چاوپێکەوتنێکی تەلەفيزيۆنيدا بە رووداوی راگەياند: هەرێمی کوردستان لە دانوستانەکانی لەگەڵ بەغدا سەرکەوتوونەبووە، بەغدا پابەندنابێت بە جێبەجێکردنی رێکەوتنەکەی لەگەڵ هەرێم، دەيەوێت بە بەرنامە هەرێم لاوازبکات.

وتيشی “دەبێت حکومەتی هەرێم هەڵوێستی هەبێت لەبەغدا و فشار بکات و هەرەشەی کشانەوەی وەزيرەکانی بکات”.

فازڵ نەبی ئاماژەی بەوەشکرد: ياسايەکی نەوت و غاز لە عێراق دەردەچێت کە دەست وپێی هەرێمی کوردستان دەبەستێتەوە، هەر بۆيە نابێت پەلە بکەين لەسەر ياساکە.

ئەمەش لەکاتێکدايە، ئەمڕۆ شەممە وەفدێکی پارتی بەمەبەستی گفتودۆکردن لەسەر پڕۆژەياسای بودجە و پڕۆژەياسای نەوت و غاز سەردانی بەغدايان کردووە.