دۆلار دادەڕمێت و ئەمریکا بەرەو دۆزەخ دەروات

SNN

دۆناڵد ترەمپ سەرۆکی پێشووی ئەمریکا لە میانی چاوپێکەوتنێکدا لەگەڵ کەناڵی (FOX) رایگەیاند، هێزی ئەمریکا سەبارەت بە دراوەکەی کە دۆلارە لە کەمبوونەوەدایە و دەشڵێت: من تەنها باسی بەهای دراوەکەمان ناکەم، باس لە قەبارەی دراوەکەمان دەکەم، کە لە سەرانسەری جیهاندا مامەڵەی پێوەدەکرێت.

ترەمپ روونیشی دەکاتەوە “کاتێک سەیری فڕۆکەخانەکانمان دەکەیت، دەروازەکانی وێستگەکانمان، ڕێگا خراپەكان، شەقامە تێكشكاوەكانمان و هەموو شتێکی تر، ئێمە لە وڵاتێکی جیهانی سێیەم دەچین”.

وتیشی، “ئێمە شتێکی زۆر بەهێزمان هەیە، ئەویش دۆلارە، بەڵام ئاوڕێک بدەنەوە، کە ئێستا چی ڕوودەدات لەگەڵ وڵاتانی دیکە، کە مامەڵەی لەگەڵدا ناکەن و دەزانن چین دەیەوێت بە دراوی یوان جێگەی بگرێتەوە و ئەمەش لە کاتێکدا لە ئێستادا خەڵک بیر لەم بابەتە دەکەنەوە”.