هاتووچۆى هەولێر چەند ڕێنماییەکی لەسەر بەکارهێنانی ڕێگە خێراکان بڵاو کردەوە

SNN-

هاتوچۆی هەولێر چەند ڕێنماییەکی لەسەر بەکارهێنانی ڕێگە خێراکان بڵاو کردەوە ودەڵێت:ەکارهێنانی مۆبایل و سۆشیال میدیا وکڕین و فرۆشتن و مامەڵە لەسەر شەقامە خێراکان قەدەغەیە.

بەڕێوەبەرایەتیی هاتوچۆی هەولێر بڵاویکردووەتەوە، بۆ زیاتر گرەنتیکردنی سەلامەتیی هاووڵاتییان و شۆفێران، چەند ڕێنماییەکی پێویستی لەبارەى بەکارهێنانی ڕێگە خێراکان بۆ شۆفێر و هاووڵاتییان بڵاو کردەوە و داوا دەکات هەموو لایەکی پێیەوە پابەند بن.

لەو ڕێنماییەنەدا ئەم کارانە لەسەر هێڵە خێراکان قەدەغە کراون:-

1- وەستان و چاوەڕێکردن بە بێ هۆکاری لەناکاو.

2- گەڕانەوە بە بەگ بە هەموو شێوەیەک.

3- نابێت پیادەڕۆیان لەسەر شەقامی خێرا بپەڕنەوە، مەگەر پردەکان بەکار ببەن.

4- کڕین و فرۆشتن و مامەڵە لەسەر شەقامە خێراکان.

5- ڕۆیشتنی ئەو سوارڕۆیانەى کە خێراییان لە ٦٠ کم لە کاتژمێرێکدا کەمترە.

6- ڕۆیشتنی سوارڕۆکانی بیناسازی و کشتوکاڵی وەکوو تراکتۆر و دەڕاسە و گرێدەر و شۆڤڵ و تەنانەت بۆ مەوداى چەند مەترێکیش، بەڵکوو دەبێت بە ئامێری هەڵگرتنی تایبەت بگوازرێنەوە.

7- پێچاوپێچکردن و تەڕناش و کێبڕکێ.

8- بەکارهێنانی مۆبایل و سۆشیالمیدیا.

9- پێچکردنەوە لە شوێنە تایبەتەکانی ئۆتۆمبێلی فریاگوزاریی خێرا یان هەر دەرچەیەکی دیکەى فریاگوزاری.

10- هەڵگرتن و دابەزاندنی سەرنشین.

11- لێدانی فووللایت.

12- لێخوڕینی پایسکیل و مۆپید و سکۆتەر و ماتۆڕی سێتایە.