“گەورەترین ناکۆکی نێوان هەرێم و بەغدا لەسەر نەوتە”

SNN

ئەندامێکی ئەنجوومەنی نوێنەرانی عێراق سەبارەت بە ناکۆکیەکانی نێوان هەرێم و بەغدا رایگەیاندووە، سێ دۆسییەی سەرەکی هۆکاری قوڵبوونی کێشەکانی هەرێم و ناوەندن، دەڵێت “تەواوی ئەو دۆسیانە پەیوەستن بە داهات و پارەوە، هەرێم پارەیەکی زۆری بەغدا قەرزارە”.

جەمال کۆچەر ئەندامی ئەنجوومەنی نوێنەرانی عێراق لە لێدوانێکدا بۆ رۆژنامەی سەباحی عێراقی سەبارەت بە ناکۆکییەکانی نێوان هەرێم و بەغدا رایگەیاندووە، ناکۆکییەکان قوڵن و پێویستیان بە بڕیاری سیاسی هەیە، هەروەک وتوویەتی “بەغدا دەڵێت هەرێم پارەیەکی زۆری لە ئەستۆدایە و نەیداوەتە حکومەتی ناوەند، بەرپرسانی هەرێمیش ئەو قسانە رەت دەکەنەوە”.

جەمال کۆچەر ناکۆکییەکانی نێوان هەرێم و بەغدا لە سێ دۆسییەدا روونکردووەتەوە کە هۆکاری سەرەکی ئاڵۆزییەکانی ئەم دوواییەی بەغدا و هەرێمن، ئەوانیش: دۆسیەی نەوت و دۆسیەی خاڵە سنورییەکان و داهاتە نانەوتییەکان، کە یەکێکە لە خاڵە هەرە ناکۆکەکان.

ئەو ئەندامەی لیژنەی دارای وتوویەتی “حکومەتی فیدراڵی تەواوی داهاتە نەوتی و نانەوتییەکانی لەسەر هەرێم هەژمارکردووە، هەرێمیش دانی پێدانانێت، بەو هۆیەوە دەبێت بە بڕیاری سیایسی ئەو پرسانە یەلکلا بکرێنەوە”.

سەبارەت بە کۆبوونەوەی لیژنەی دارای پەرلەمان ئاشکرایکردووە، “کۆبوونەوەکەی لیژنەی دارای پەرلەمان نەگەیشتوونەتە هیچ ئەنجامێک، گەورەترین ناکۆکیش لەسەر نەوتە.”