جارێکیتر قەدەغەی گەشتی عومرە درێژکرایەوە

SNN–

سەرەڕای ئەوەی دەسەڵاتدارانی سعودیە لەمڕۆوە کارئاسانییان دەستپێکردووە بۆ کرانەوەی هەندێک بەشی ژیان لەو وڵاتە، بەڵام سەردانیکردنی عومرە وەک خۆی ماوەتەوە و قەدەغەیە ئەنجامدانی.

وەزارەتی حەج و عومرەی سعودیی رایگەیاند “هێشتا سەردانیکردنی شوێنە پیرۆزەکان قەدەغەیە و نابێت کەس بۆی بچێت”.

وەزارەتەکە دەشڵێت: “ئەمڕۆ پێنجشەممە کرانەوەی بەشێک لە ژیان و کارئاسانیی دەکرێت بۆ هاوڵاتیان، بەڵام شوێنە پیرۆزەکان بەداخراویی دەمێننەوە لە شارەکانی مەککە و مەدینە”.

بەهۆی بڵاوبوونەوەی ڤایرۆسی کۆرۆناوە، ماوەی چەند مانگێکە حکومەتی سعودیە گەشتی عومرەی قەدەغەکردووە.