حکومەت بڕیارێک بۆ گواستنەوەی فەرمانبەران دەردەکات
وەزارەتی دارایی
SNN
وەزارەتی دارایی و ئابوری بە نوسراوێک داوا لە ئه‌نجومه‌نی وه‌زیرانی هه‌رێمی كوردستان دەکات بڕیارێك بۆ گواستنەوەو تەنسیبی فەرمانبەران بۆ وەزارەتەکەی دەربکات.
لە نوسراوەکەی ئەنجوومەنی وەزیراندا کە ئاراستەی سەرجەم وەزارەتەکان کراوە تیایدا، ئاماژەی بە داواکارییەکی وەزارەتی دارایی بۆ گواستنەوەی فەرمانبەران بۆ فەرمانگەیەکی وەزارەتەکە کردووە.
ئاماژە بەوەکراوە، بۆ بەڕێوەبەرایەتی گەنجینەی هەرێم، سەربە بەڕێوەبەرایەتی گشتیی ژمێرکاری، داوای گواستنەوەی چەندین ناونیشان و پسپۆڕییەک دەکات، نوسراوە “هەر فەرمانبەرێک بە گواستنەوەی راژە یاخود تەنسیب خوازیاربێت، لە ئەنجوومەنی وەزیران کاری پێویستی بۆ دەکەن”.
ئەمە لە کاتێکدایە، ماوەی چەند ساڵێکە گواستنەوەی راژە لە نێوان وەزارەتەکان راگیرابوو، بەڵام ئەنجوومەنی وەزیران بەگوێرەی پێویستی وەزارەت و فەرمانگەکان لە حاڵەتی جیاوازدا گواستنەوەی راژەی کردووەتەوە.
