بومەلەرزەیەکی بەهێز نیوزلەندای هەژاند

SNN

ناوەندى بومەلەرزەزانى نیوزلەندا بڵاویکردووەتەوە، بومەلەرزەیەکى بەهێز بەگوڕى 6.2 پلەى رێختەر، باشوورى وڵاتەکەى هەژاندووە.

ناوەندی بومەلەرزەزانی نیوزلەندا لە هەژماری خۆیان لە فەیسبووک بڵاویکردووەتەوە، دوێنێ شەو 19ی ئەیلوول، کاتژمێر 6:00 بەدوورى 124 کیلۆمەتر لە قوڵایى 11 کیلۆمەتر، لە زەریای هێمنەوە روویداوە.

ئاماژە بەوەکراوە، 15 هەزار کەس هەستیان بە بومەلەرزەکە کردووە، کەسێک گیانى لەدەستداوە و سێ کەسی تر بریندارن، یەکێک لەبریندارەکان کچێکى تەمەن 10 ساڵانە.

نیوزلەندا دەکەوێتە پشتێنەى ئاگرینى بومەلەرزە لەسەر زەریاى هێمن، کە ناوچەیەکى روودانى گۆڕانە جیولۆجییەکانە، بومەلەرزە و بورکانى گەورە تێیدا دروست دەبێت.