” هەرێمی کوردستان زەرەرمەندی یەکەمە لە راگرتنی نەوت لە لایەن تورکیاوە”

SNN-

ئەندامێکی لیژنەی نەوت و غازی پەرلەمانی عێراق دەڵێت: راگرتنی هەناردەی نەوت لە رێگەی تورکیاوە هەرێمی کوردستان زەرەرمەندی یەکەمە.

ئەندامێکی لیژنەی نەوت و غاز لە پەرلەمانی عێراق بە رۆژنامەی سەباحی عێراقی راگەیاندووە، هەرێمی کوردستان زەرەمەندی یەکەمە لە راگرتنی هەناردەی نەوت لە رێگەی تورکیاوە و گفتوگۆکانیش لەگەڵ ئەو وڵاتە بەردەوامە بە مەبەستی دەستپێکردنەوەی هەناردەی نەوتەکەی.

باسم غەریباوی، رایگەیاندووە، هەرێمی کوردستان هیچ رێگە چارەیەکی جگە لە پابەند بوون بە بڕیارەکانی دادگای باڵای فیدراڵییەوە نییە و لایەنی تورکی بەبیانوی زیانی بۆرییەکان بەهۆی بومەلەرزەوە پرۆسەی هەناردەکردن دوادەخات، چونکە نایەوێت بڕی (1) ملیار و (500) ملیۆن دۆلارەکە بدات کە وەک سزا بەسەریدا سەپێنراوە”

رۆژی 25-3-2023، هەناردەکردنی نەوتی کوردستان بەهۆی بڕیارێکی دەستەی نێوبژیوانی پاریس لەسەر سکاڵایەکی عێراق لەدژی تورکیا راگیرا و عێراق سکاڵاکەی تورکیای بردەوە و تورکیا بە پێدانی 1 ملیار و 500 ملیۆن دۆلار بە عێراق پابەندکراوە.