هەڤاڵ ئەبوبەکر داوا لە هاوڵاتیان دەکات ئەم کارانە بکەن

SNN

ئەمڕۆ پێنجشەممە 28ی ئەیلول، هەڤاڵ ئەبوبەکرد، پارێزگاری سلێمانی رایگەیاندووە، لەگەڵ هاتنی وەرزی پاییزدا فەرمانگە پەیوەندیدارە حکومییەکان لە هەموو بوارە خزمەتگوزارییەکاندا لە ئەرکی خۆیاندا دەبن و چاودێری و بەدواداچوونی پێویست بۆ هەموو خزمەتگوزارییە گشتییەکاندا دەکەن و رێکاری یاسایی دەگرنە بەر.

پارێزگار داوا لە هاوڵاتیان دەکات، ئەم رێنماییانە جێبەجێ بکەن:

‏‎یەکەم: چێکی دڵنیایی تەواو بکەن بۆ سیستمی غازو شۆڤاژ و هەرجۆرە سوتەمەنیی و وزەیەکی تر کە لە ماڵەکاندا بەکاریان دەهێنن.

‏‎دووەم: چێکی دڵنیایی تەواو  بۆ سەری کونج و مەنهۆڵ و ئاوەڕۆی ماڵەکانتان بکەن.

‏‎سێیەم: چێکی دڵنیایی تەواو بۆ تانکی ئاو و بەهەدەرنەدانی ئاو لە ماڵەکانتاندا بکەن.

‏‎چوارەم: لەبوونی هەرکێشە و ناتەواوییەک لەم بوارانەی باسکران، لەکۆڵان و گەڕەکەکاندا پەیوەندیی بەفەرمانگای پەیوەندیدارەوە بکەن.

رێنماییەکانی پارێزگار لەکاتێكدایە ساڵی ڕابردوودا 2022، بەهۆى تەقینى تانکى غازەوە لە ماڵێکی شاری سلێمانی بەشێکى زۆرى ئەندامانى خێزانەکە بونە قوربانیی و کارەساتێکى گەورەى لێکەوتەوە.