ئەمڕۆ فۆڕمی پێشکەشکردنی مامەڵەی خوێندکارانی زانکۆ دەستپێدەکات

SNN

بەگوێرە بڵاوکراوەیەکی زانکۆی سلێمانی، ئەمڕۆ فۆرمی پێشكەشكردنی مامەڵەی قۆناغی یەك لە زانكۆی سلێمانی بە شێوەی ئۆنلاین دەستپێدەكات.

ئەمڕۆ یەکشەممە 1ی تشرینی یەکەم، زانکۆی سلێمانی راگەیەنراوێکیان بڵاوکردەوە و تیایدا هاتووە، ئەمڕۆ كاتژمێر 12:00 ی نیوەرۆ فۆرمی پێشكەشكردنی مامەڵەی خوێندكارانی قۆناغی یەكەم بەردەست دەبێت.

ئاماژە بەوەکراوە، داوا لە خوێندكاران دەكەین سەردانی زانكۆ نەكەن و سەرجەم پێداویستیەكانی وەك بڕوانامەی پۆلی 12 و سەرجەم دۆكیومێنتەكان ئامادەبكەن پێش پێشكەشكردن و تەنها یەكجار فۆرمەكە پڕبكەنەوە.

ئەوەشخراوەتە ڕوو، لە كاتی دانانی فۆرمەكە، لیستی سەرجەم پێداویستییەكان لە وێبسایتی فەرمی تۆماری گشتی زانكۆ بڵاودەكرێتەوە.