وەزارەتی پلاندانان “ژمارەی دانیشتوانی عێراق 43 ملیۆن تێدەپەڕێنێت”

SNN

عەبدولزەھرا ھنداوی وتەبێژی وەزارەتی پلاندانان ئەمڕۆ پێنجشەممە راگەیاند، پێشبینی دەکەین ڕێژەی دانیشتوانی عێراق لە 43 ملیۆن کەس زیاتر بێت و زۆرترینشیان بەسەر سێ پارێزگادا دابەشبوون کە بەغداد و نەینەوا و بەسرەیە.

راشیگەیاند، لە ئێستادا رێژەی نێرو مێ جیاوازیەکی کەمیان لە نێواندا ھەیە، رێژەی نێر 50,5 و رێژەی مێ 49.5 یە.

دووپاتیشی کردەوە، وەزارەتەکەیان ئامادەکارییەکانی بۆ جێبەجێکردنی سەرژمێری دانیشتوان لە عێراق لە تشرینی دووەمی 2024 دەستپێکردووە، کە وردەکاریی دەداتێ سەبارەت بە ژمارەی دانیشتوان و دۆخی ژیانیان لە عێراقدا.