نەتەوەیەکگرتووەکان: غەززە بەخێرایی دەبێتە چاڵی جەهەنەم و لە لێواری داڕوخاندایە
SNN
نەتەوەیەکگرتووەکان هۆشداری لە دۆخی غەززە دەدات و رایدەگەیەنێت داواکاری ئیسرائیل بۆ چوڵکردنی باکووری ئەو کەرتە کارەساتی لێدەکوێتەوە، هاوکات یونیسێفیش رایدەگەیەنێت: یەک ملیۆن کەس لە غەزە شوێنی پارێزراویان نییە تا رووی تێبکەن.
ئیسرائیل ماوەی 24 کاتژمێری دیاری کردووە بۆ ئەوەی دانیشتووانی کەرتی غەزە ماڵوحاڵی خۆیان چۆڵ بکەن لەو بارەوە نەتەوە یەکگرتووەکان رایگەیاند: بانگەوازی تەلەئبیب بۆ گواستنەوەی زیاتر لە ملیۆنێک کەس لە باکووری غەززە لەماوەی 24 کاتژمێردا ترسناکە.
راشیگەیاندووە: غەززە بەخێرایی دەبێتە چاڵی جەهەنەم و لە لێواری داڕوخاندایە.
لەلایەکی دیکەوە سندوقی منداڵان سەربە نەتەوە یەکگرتووەکان (یونیسێف)لە هەژماری خۆی لە تۆڕی کۆمەڵایەتی ئێکس ئاماژەی بەوەکرد، “دیمەنەکانی غەززە تۆقێنەرن. ژمارەیەکی زۆر منداڵ لەناو قوربانيیەکاندان، یەک ملیۆن کەس شوێنی ئارامیان نییە ڕووی تێبکەن. ئەمە جێگەی قبوڵ نییە ودەبێت دەستبەجێ توندوتیژی ڕابگیرێت”.
