لەبارەی ناونوسین بۆ حەج روونکردنەوە دەدرێت
حەج
SNN-
بهرێوهبهرایهتی گشتی حهج و عومرە هاووڵاتییان ئاگاداردەکاتە پهله نهكهن له ناونووسین بۆ پڕكردنهوهی فۆرمی حاجیان، چونکە جاری کات ماوە.
بهرێوهبهرایهتی گشتی حهج و عومڕهی ههرێمی كوردستان لە راگەیەندراوێکدا داوا لە هاووڵاتییان دەکات و دەڵێت:” پەلە نەکەن لە پڕکردنەوەی فۆڕمی حەج، چونكه ناونووسین لە ئەمڕۆوە بۆ ماوهی 12 رۆژ تا پێنج شهممهی داهاتوو 26تشرینی یەکەم بهردهوام بێت”.
لە راگەیەندراوەکەدا هاتووە کە پڕکردنەوەی فۆڕمی حاجیان رۆژانه بهردهوام دهبێت و ههموو فهرمانبهرانی بهرێوهبهرایهتی گشتی حهج و عومڕهی ههرێمی كوردستان له خزمهتی هاووڵاتیاندان، تاوهكوو ههموو ئهو هاووڵاتییانهی ئارهزوومهندن فۆرمی حاجیان پڕ بكهنهوه بتوانن فۆرمهكه وهربگرن.
بەڕێوەبەرایەتی حەج و عومرە داوای لە هاووڵاتییان کرد کە هاوكاری نووسینگهكانی حهج و عومره و بنكهكانی ناونووسین بكهن و ئاگاداری هاووڵاتیانیش دهكهین كه ئهوانهی به تهمهن و پهككهوتهن ئهوا كهسوكارییان یاخود كهسێكی نزیكیان دهتوانێت فۆڕمهكه وهربگرێت، پێویست بهوه ناكات كهسانی بهساڵاچوو یاخود نهخۆش به مهبهستی وهرگرتنی فۆڕمی حەج سهردانی بنكهكانی ناونووسین بكهن”.
