دەستەی پاراستن و چاککردنی ژینگەی هەرێم هاوڵاتیان ئاگادار دەکاتەوە
بڕینەوەی دار- فۆتۆ- عەلی حەمە سەعید
SNN
دەستەی پاراستن و چاککردنی ژینگەی هەرێم رایگەیاند، هەر کەسێک داری تەڕ و سەوز ببڕێتەوە بە 500 هەزار دینار سزادەدرێت.
ئەمڕۆ یەکشەممە 5ی تشرینی دووەم، دەستەی پاراستن و چاککردنی ژینگەی هەرێم ئاشکرایانکردووە، هەر کەسێک داری تەڕ و سەوز ببڕێتەوە، بە بڕی 500 هەزار دینار سزادەدرێت.
بەگوێرەی دەستەکە، “جگە لەو سزا داراییە، هەندێک جار بە سێ مانگ بەندکردن کەسی سەرپێچیکار سزادەدرێت.”
ئەمە لە کاتێکدایە، ساڵانە لەگەڵ هاتنی وەرزی سەرمادا لە هەرێمی کوردستان، هاوڵاتییان بۆ خۆگەرمکردنەوە پەنا بۆ بڕینەوەی درەخت و دارەکان دەبەن.
