پێشەوا هەورامانی “تا ئێستا زیاتر لە 300 ھەزار خێزان نەوتی سپییان وەرگرتووە”
دابەشکردنی نەوت
SNN
حکومەتی ھەرێم رایگەیاند، تا ئێستا زیاتر لە 300 ھەزار خێزان نەوتی سپییان وەرگرتووە و ئەگەر بەغداد بەشی ھەرێم بنێنرێت پڕۆسەکە خێراتر دەکرێت.
پێشەوا ھەورامانی، وتەبێژی حکومەتی ھەرێمی کوردستان ئاماژەی بەوەکرد، پرۆسەکە نزیک دەبێتەوە لە سەنتەری پارێزگاکان و تا ئێستا زیاتر لە 300ھەزار خێزان نەوتییان پێگەیشتووەو ھەر خێزانێک بڕی 200 لیتری پێدراوە.
وتیشی لە ھەولێر 105 ھەزار بەرمیل و لە سلێمانی و ھەڵەبجە 120 ھەزار بەرمیل و لە دھۆک 80ھەزار بەرمیل نەوت دابەشکراوە.
پێشەوا ھەورامانی باسی لەوەشکرد، حکومەتی عێراق ساڵانە بڕی 50 ملیۆن لیتر نەوتی سپی وەک بەشی ھەرێم دەنێرێت بەڵام ساڵی پار تەنھا بڕی 28 ملیۆن لیتری ناردووە، ئەگەر بەشی ھەرێمی کوردستان بەتەواوەتی بگات پرۆسەکە لە ئێستا خێراتر دەکرێت.
