ئەم شەپۆلی بارانبارینە کەی کۆتایی دێت؟

SNN-

کەشناسیی هەرێم رایگەیاند، ئەمڕۆ ئەگەری بارینی نمەبارانی کەم هەیە لە ناوچەکانی هەرێم و سبەینێش رێژەی بارانبارین زیاتر دەبێت.

کەشناسی هەرێمی کوردستان بڵایکردووەتەوە، ئەمڕۆ پێنجشەممە 16ی تشرینی دووەمی 2023، ئاسمان هەور دەبێت بەگشتی لەگەڵ ئەگەری نمە بارانی کەم لەناوچە جیاجیاکانی هەرێم, لەناوچە شاخاوویەکان کەمێک کاریگەری زیاتر دەبێت.

هەروەها سبەینێ هەینی 17ی تشرینی دووەمی 2023، لەئەنجامی کاریگەری نزمە پەستانێکی نوێ لە دەریای سپی ناوەراست, بۆیە ئاسمان هەوری تەواو دەبێت لەناوچە شاخاوویەکان و ناوەراستی هەرێم نمە باران لەکاتەکانی بەرەبەیان دەست پێدەکات رێژەی دابارین زیاد دەبێ بەتایبەتی لەناوچەکانی بادینان و پارێزگای دهۆک تاکو کاتەکانی دوایی نیوەرؤ. لەکاتەکانی ئێوارە کاریگەری بەلاوازی دەمینێتەوە لەناوچەکانی رۆژهەڵاتی هەرێم، پلەکانی گەرماش لە ناوچە شاخاوییەکان نزم دەبێتەوە بە 2-3 پلە .

بەرزترین پلەکانی گەرمای پێشبینیکراو بە پلەی سیلیزی :
هەولێر : 16 پلەى سیلیزى
سلێمانی : 15 پلەى سیلیزى
دهۆک : 14 پلەى سیلیزى
کەرکوک : 19 پلەى سیلیزى
هەڵەبجە : 16 پلەى سیلیزى
زاخۆ : 15 پلەى سیلیزى
گەرمیان : 24 پلەى سیلیزى
حاج ئۆمەران: 7 پلەى سیلیزى
سۆران : 12 پلەى سیلیزى