نرخی نەوت دابەزینی زیاتری بەخۆیەوە بینی

SNN-

بەیانی ئەمڕۆ هەینی یەک بەرمیل نەوتی خاوی برێنت بە 77 دۆلار و 46 سەنت مامەڵەی پێوەدەکرێت و بەراورد بە دوێنێ پێنجشەممە نرخەکەی دوو دۆلار و 14 سەنت دابەزیوە.

ئەمڕۆ هەینی، 17ی تشرینی دووەمی 2023، یەک بەرمیل نەوتی خاوی برێنت بە 77 دۆلار و 46 سەنت و نرخی یەک بەرمیل نەوتی خاوی ئەمریکی (تێکساس) بە 73 دۆلارە.

مانگی رابردوودا سعودیە رایگەیاند، لەگەڵ روسیا تاوەکو کۆتایی مانگی کانوونی دووەمی داهاتوو بەردەوام دەبن لە کەمکردنەوەی خۆبەخشانەی بەرهەمهێنانی نەوت و بەپێی بڕیارەکەش سعودییە رۆژانە تەنها نۆ ملیۆن بەرمیل نەوت بەرهەمدەهێنێت، دوای ئەوەش رێکخراوی ئۆپیک رایگەیاند، کەمکردنەوەی بەرهەمهێنانی نەوت لەلایەن سعودییە و روسیاوە دەبێتە هۆی کەمبوونەوەی دابینکردنی رێژەی پێویستی نەوت لە جیهاندا تا کۆتایی ئەمساڵ.