زانیاری لەسەر ناردنی مووچەی فەرمانبەرانی هەرێم لەبەغداوە گەیشت

SNN-

ئەندامێکى لیژنەى دارایی لە پەرلەمانى عێراق رایدەگەیەنێت، حکومەتى عێراق بێ بڕین بەردەوام دەبێت لە ناردنى مووچەى فەرمانبەران

موعین کازمى، ئەندامى لیژنەى دارایی لە ئەنجومەنى نوێنەرانى عێراق بە میدیا عێراقییەکانى راگەیاندوە: ناردنى مووچەى فەرمانبەران تا ئەو کاتەى داتاکان تەواو دەبن بەردەوام دەبێت و ئەمەش کاتى پێویستە و هێندە ئاسان نییە.

راشیگەیاندووە کە مووچەى فەرمانبەرانى هەرێم لە بەشە بودجەى ساڵى داهاتوو لە بەشى هەرێمى کوردستان دابین دەکرێت.

حکومەتی عێراق و هەریمی کوردستان لە ماوەی رابردوودا رێککەوتن لەسەر ئەوەی بۆ ماوەی سێ مانگ بەغدا بڕی 700 ملیار دینار بۆ هەرێمی کوردستان بنێرێت، تاوەکو ئێستا دوو گوژمە هاتووە و حکومەتی هەرێمی کوردستان مووچەی مانگی (7,8)ی پێ دابەشکردووە و کۆتا گوژمەش تاوەکو ئێستا نەگەیشتووە کە بریارە مووچەی مانگی 9ی پێدابەشبکرێت، بۆ چارەسەری کێشەی مووچەی سی مانگی کۆتایی ئەمساڵیش دوێنێ دووشەممە شاندێکی حکومەتی هەرێمی کوردستان چوونە بەغدا و لەگەڵ محەمەد شیاع سودانی کۆبوونەوە و داوایانلێکردووە کە سێ 700 ملیار دیناری دیکە بۆ هەرێمی کوردستان بە قەرز بنێرێت لە وەڵامدا ئەویش پێی راگەیاندوون کە ئەو بابەتە دەباتە کۆبوونەوەی ئەنجوومەنی وەزیران و هێج وەڵامێکی نەداونەتەوە.