پۆلیسی سلێمانی زانیاری نوێ لەسەر ئەو کەسە ئاشکرا دەکات کە شەوی رابردوو ژنەکەی خۆی کوشت

SNN-

مەفرەزەكانی به‌شی‌ پۆلیسی فریاكه‌وتنی‌ سلێمانی‌ ئه‌و پیاوه‌یان ده‌ستگیركرد كه‌ شه‌وی‌ ڕابردو به‌چه‌قۆ ژنه‌كه‌ی‌ خۆی‌ كوشت.

پۆلیسی سلێمانی رایگەیاند، دوای‌ ئه‌وه‌ی‌ شه‌وی‌ ڕابردو له‌ڕووداوێكدا پیاوێك به‌چه‌قۆ هێرشیكرده‌ سه‌ر هاوسه‌ره‌كه‌ی‌‌و به‌سه‌ختی‌ برینداری‌ كرد، ده‌ستبه‌جێ مەفرەزەكانی به‌شی‌ پۆلیسی فریاكه‌وتن گه‌یشتنه‌ شوێنی ڕووداوه‌كه‌و تۆمه‌تباره‌كه‌یان ده‌ستگیركردو ژنه‌كه‌شیان ڕه‌وانه‌ی‌ نه‌خۆشخانه‌ كرد، به‌ڵام به‌هۆی‌ سه‌ختی‌ برینه‌كه‌یه‌وه‌ ژنه‌كه‌ گیانی له‌ده‌ستدا.

پۆلیش دەشڵێت:”به‌هۆی‌ تایبه‌تمه‌ندی‌ دۆسیه‌كه‌وه‌، تۆمه‌تبار ڕاده‌ستی‌ بەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان كرایه‌وه‌”.

لە راگەیەندراوەکەی پۆلیسدا هاتووە کە ئێستا تۆمه‌تبار (ب، ن، ع) له‌دایكبووی‌ 1995 به‌بڕیاری‌ دادوه‌رو به‌پێی‌ ماده‌ی‌ 406 له‌یاسای‌ سزادانی‌ عێڕاقی‌ ڕاگیراوه‌و لێكۆڵينه‌وه‌كان به‌رده‌وامه‌.