هەڵبژاردنی سەرۆکایەتی لە میسر دەستپێکرد
An Egyptian man casts his ballot during the presidential election, at a polling station in downtown Cairo on December 10, 2023. The vote in the country of nearly 106 million people will run until December 12, with results expected to be announced on December 18. (Photo by Khaled DESOUKI / AFP)
SNN-
ھەڵبژادنی سەرۆکایەتی میسر دەستیپێکرد و سێ رۆژ بەردەوام دەبێت و پێشبینیش دەکرێت عەبدولفەتاح سیسی سەرۆکی ئەو وڵاتە سەرکەوتن بەدەستبھێنێتەوە.
بۆ ھەڵبژاردنی سەرۆکایەتی میسر چوار کاندید کێبڕکێ دەکەن، عەبدولفەتاح سیسی لە ساڵی 2014ەوە سەرۆکی میسرە و لە ساڵی 2018-دا بە بەدەستھێنانی 97%ی دەنگەکان بۆ ویلایەتی دووەمی سەرۆکایەتی سەرکەوتنی بەدەستھێنایەوە و بە پێی راپرسییەکانیش کە میدیاکانی ئەو وڵاتە بڵاویانکردووەتەوە چاوەڕواندەکرێت ئەمجارەش سەرکەوتن بەدەستبهێنێتەوە.
هەروەها فەرید زەھران سەرۆکی پارتی میسری دیموکراتییە، کە نوێنەرایەتی رەوتی چەپڕەوی ناوەڕاست دەکات، عەبدولسەند یەمامە سەرۆکی حزبی وەفدی لیبرالی و حازم عومەر سەرۆکی پارتی گەلی کۆماری سێ کاندیدی دیکەی پڕۆسەکەن.
بەپێی ئاماری دەستەی نیشتمانی ھەڵبژاردنەکان لە میسر، لە کۆی 104 ملیۆن دانیشتووی وڵاتەکە، نزیکەی 67 ملیۆن ھاووڵاتی میسری کە تەمەنیان لەسەروو 18 ساڵەوەیە مافی دەنگدانیان ھەیە، بڕیارە رۆژی 18ی ئەم مانگەش ئەنجامەکان رابگەیەندرێت، ئەگەر ھیچ کام لەکاندیدەکانیش زۆرینەی دەنگیان بەدەستنەھێنا، ھەڵبژاردنەکە دەچێتە خولی دووەمەوە و لە سەرەتاکانی ساڵی داھاتوو بەڕێوەدەچێت.
